uTha uTha ke tire naaz ai gham-e-duniya — Tariq Naeem

khol dete hain palaT aane pe darvaza-e-dil
aane vaale ka irada nahin dekha jaata

— Tariq Naeem

raat ro ro ke guzari hai charaghon ki tarah
tab kahin harf men tasir nazar aa.i hai

— Tariq Naeem

ye virani si yunhi to nahin rahti hai ankhon men
mire dil hi se koi jada-e-vahshat nikalta hai

— Tariq Naeem

zamin itni nahin hai ki paanv rakh paa.en
dil-e-kharab ki zid hai ki ghar banaya jaa.e

— Tariq Naeem

ajiib dard ka rishta tha sab ke sab ro.e
shajar gira to parinde tamam shab ro.e

— Tariq Naeem

ye khayal tha kabhi khvab men tujhe dekhte
kabhi zindagi ki kitab men tujhe dekhte

— Tariq Naeem