Tariq Naeem

"ajiib dard ka rishta tha sab ke sab ro.e shajar gira to parinde tamam shab ro.e"

"ab asman bhi kam paD rahe hain us ke liye qadam zamin par rakkha tha jis ne Darte hue"

"abhi phir raha huun main ap-apni talash men abhi mujh se mera mizaj hi nahin mil raha"

"ye khayal tha kabhi khvab men tujhe dekhte kabhi zindagi ki kitab men tujhe dekhte"

"khol dete hain palaT aane pe darvaza-e-dil aane vaale ka irada nahin dekha jaata"

"zamin itni nahin hai ki paanv rakh paa.en dil-e-kharab ki zid hai ki ghar banaya jaa.e"

khush-arzaani hui hai is qadar baazaar-e-hasti mein
giraan jis ko samajhtaa huun vo kam-qimat nikaltaa hai

ajiib dard kaa rishta thaa sab ke sab roe
shajar giraa to parinde tamaam shab roe

abhi to mansab-e-hasti se main haTaa hi nahin
badal gae hain mire doston ke lahje bhi

vo aaina hai to hairat kisi jamaal ki ho
jo sang hai to kahin rahguzar mein rakkhaa jaae

ye viraani si yunhi to nahin rahti hai aankhon mein
mire dil hi se koi jaada-e-vahshat nikaltaa hai

raat ro ro ke guzaari hai charaaghon ki tarah
tab kahin harf mein taasir nazar aai hai