Ghzala Shahid

دیے سے لو نہیں پندار لے کر جا رہی ہے ہوا اب صبح کے آثار لے کر جا رہی ہے ہمیشہ نوچ لیتی تھی خزاں شاخوں سے پتے مگر اس بار تو اشجار لے کر جا رہی ہے میں گھر سے جا رہا ہوں اور لکھتا جا رہا ہوں جہاں تک خواہش دیدار لے کر جا رہی ہے خلا میں غیب کی آواز نے چھوڑا ہے مجھ کو میں سمجھا تھا مجھے اس پار لے کر جا رہی ہے مجھے اس نیند کے ماتھے کا بوسہ ہو عنایت جو مجھ سے خواب کا آزار لے کر جا رہی ہے یہاں پر رات کو اچھا نہیں کہتا ہے کوئی سو اپنے کاسہ و دینار لے کر جا رہی ہے تماشے کے سبھی کردار مارے جا چکے ہیں کہانی صرف اک تلوار لے کر جا رہی ہے

diye se lau nahin pindaar le kar jaa rahi hai