Intesar Husain Abidi Shahid

کون سا غم ہے مرے دل میں جو مہمان نہیں مجھ پہ کم یہ بھی مرے یاروں کا احسان نہیں تیشۂ وقت نے ہر نقش بدل ڈالا ہے کل کی تصویر مری آج کی پہچان نہیں کم نہیں مہر درخشاں سے مرا داغ جگر مطلع صبح سے کم میرا گریبان نہیں شہر بے مہر میں تو زخم دکھاتا ہے کسے تیرا پرساں کوئی یاں اے دل نادان نہیں آؤ مل بیٹھ کے ہم بانٹ لیں بار غم دل فائدہ سب کا ہے اس میں کوئی نقصان نہیں دل میں در آئے مرے ہر کوئی دکھ درد سمیت اس میں وسعت بھی ہے اور در پہ بھی دربان نہیں روبرو آئنے کے میں ہوں نظر وہ آئے ہو بھی سکتا ہے یہ ہونا مگر آسان نہیں دل میں گر فکر کم و بیش نہ ہووے شاہدؔ تودۂ خاک کم از تخت سلیمان نہیں

kaun saa gham hai mire dil mein jo mehmaan nahin