Jawed Ahmad

بکھرنا ٹوٹنا بھی اور انا کے ساتھ بھی رہنا ستم ایجاد بھی کرنا وفا کے ساتھ بھی رہنا ترا اندازہ ایسا ہے اندھیروں کی کہانی میں جلانا کچھ دئے بھی اور ہوا کے ساتھ بھی رہنا یہاں تو شوخیوں کو اپنی زیبائی سے مطلب ہے لہو میں بھی مچلنا اور حنا کے ساتھ بھی رہنا عجب رنگ تعلق ہے محبت کا مرے دل سے کہ اس کو توڑنا بھی اور صدا کے ساتھ بھی رہنا حرم اور دیر سب نقش محبت ہیں سو دل کو ہے خد و خال بتاں میں بھی خدا کے ساتھ بھی رہنا لہو کا حال ہے جاویدؔ ایسا جیسے نشہ ہو دھڑکنا دل میں بھی باد صبا کے ساتھ بھی رہنا

bikharnaa TuTnaa bhi aur anaa ke saath bhi rahnaa