Midhat

laa.i hai kahan mujh ko tabi.at ki do-rangi
duniya ka talabgar bhi duniya se khafa bhi

khvabon ki tijarat men yahi ek kami hai
chalti hai dukan khuub kama.i nahin deti

main ne sahil se use Dubte dekha tha faqat
mujhe gharqab karega yahi manzar us ka

mire vajud men shamil rahe hain kitne vajud
to phir ye kaise kahun jo kiya kiya main ne

kuuch karne ki ghaDi hai magar ai ham-safro
ham udhar ja nahin sakte jidhar sab ga.e hain

ham ko usi dayar ki miTTi hui aziiz
naqshe men jis ka nam-pata ab nahin raha

ham ko usi dayaar ki miTTi hui aziiz
naqshe mein jis kaa naam-pata ab nahin rahaa

laai hai kahaan mujh ko tabiat ki do-rangi
duniyaa kaa talabgaar bhi duniyaa se khafaa bhi

tu samajhtaa hai mujhe harf-e-mukarrar lekin
main sahifa huun tire dil pe utarne vaalaa

jism us ki god mein ho ruuh tere ru-ba-ru
faahisha ke garm bistar par riyaa-kaari karun

aankhein hain magar khvaab se mahrum hain 'midhat'
tasvir kaa rishta nahin rangon se zaraa bhi

jaane vaale mujhe kuchh apni nishaani de jaa
ruuh pyaasi na rahe aankh mein paani de jaa