Obaidullah Khan Mubtala

munh kitaabi teraa bayaazi naiin

منہ کتابی تیرا بیاضی نئیں وو جوابی ہے اعتراضی نئیں سرو ہر چند ہے غلام ترا لیکن آزادگی کا راضی نئیں صاحب حال کو زمانے میں فکر‌ مستقبل اور ماضی نئیں داد بے داد تجھ ستم سوں ہے بسکہ شہر حسن میں قاضی نئیں مبتلاؔ باغ میں ہے شور‌ و فغاں گل کوں بلبل کی کچھ تقاضی نئیں

dilbar-e-be-baak suun khuub nahin bolnaa

دلبر بے‌ باک سوں خوب نہیں بولنا شوخ ستم ناک سوں خوب نہیں بولنا دست میں خنجر پکڑ نکلا ہے وہ غصہ ور ہاتھ کے چالاک سوں خوب نہیں بولنا ابتر خوں ریز ہے قتل اوپر تیز ہے ظالم و سفاک سوں خوب نہیں بولنا اس کی جفا سیں تمام جگ میں پڑی دھوم دھام ہم جم و ضحاک سوں خوب نہیں بولنا مجھ سے رقیب و لعیں جیو میں رکھتا ہے کیں اوس سگ ناپاک سوں خوب نہیں بولنا بوالہوس زشت رو کرتا ہے نت گفتگو مرد بے‌ ادراک سوں خوب نہیں بولنا مصرع مطلع سدا ورد کرے مبتلاؔ دلبر بے باک سوں خوب نہیں بولنا

khuub hai 'aashiq suun mil rahnaa sajan

خوب ہے عاشق سوں مل رہنا سجن لاڈ اوس کا ہر گھڑی سہنا سجن اپنی خاطر سوں دیا مجھ کوں بسار کیا یہی تھا تجھ سیتی کہنا سجن راستی سے تجھ کوں کرنا ہے نباہ ہاتھ جو پکڑا مرا دہنا سجن مت پہن زیور اپس سنگار کوں مہر و مہ کوں عیب ہے گہنا سجن دل نے ہشیاری کی کپڑے پھاڑ کر خلعت دیوانگی پہنا سجن عاشقاں کا کام ہے جیوں خار و خس شوق کے دریاؤں میں بہنا سجن مبتلاؔ کوں کھو کہ پچتاوے گا توں ہے مجھے واجب ایتا کہنا سجن

maah-ru nikle hai nit ujli tarah

ماہ رو نکلے ہے نت اجلی طرح اس سبب روشن ہے دل پتلی طرح سن مرا رونا ہوا ٹک مہرباں یار نے برسات میں بدلی طرح غمزہ کی شمشیر چمکاتا ہے وہ کیوں نہ ہو دل مضطرب بجلی طرح مچھی دیتا نئیں مجھے وہ بحر سوں چھوڑ دی اس نے مگر اگلی طرح کیوں مرے آگے اکڑ چلتا ہے آج مجھ کو بھولی نئیں تری پچھلی طرح سرنگوں ہے سرو قد کی فکر میں بید نے مجنوں کی سب لیلی طرح عشق نے آ کر پچھاڑا دل کتیں گرگ نیں آہو سیں کی جنگلی طرح مجھ دوانے کی نظر میں اے پری تاش اور کمخاب ہے کملی طرح گالی دے کر مسکراتا ہے وہ شوخ مبتلاؔ اب یوں نئی نکلی طرح

miraa pyaaraa hai naa-farmaan hamesha aur pyaaron mein

مرا پیارا ہے نا فرماں ہمیشہ اور پیاروں میں نہیں دیکھا کسو نے لالہ رو ایسا ہزاروں میں اپس عشاق کوں پہچانتے ہیں خوب خوش چشماں عجب مردم شناسی ہے نرائن کے اشاروں میں تری زلفاں کے پیچ و تاب کی تعریف کوں سن کر گیا پاتال کو باسک خجالت کھینچ ماروں میں بسے ہیں شوق سوں جا کر گلوں میں رات کوں شاید کہ آتی ہے گل‌ انداماں کے باسی باس ہاروں میں ڈرے کیوں شیر دل عاشق رقیباں کے بدکنے سوں کوئی باور نہیں کرتا شجاعت ان چکاروں میں درازی جب دیا بلداں کو تیری زلف لمبی نے برائی تب لگی کرنے کو ہر شب بیٹھ تاروں میں اپس کوں خاک کر گلزار ہونا ہے اگر تجھ کوں نہیں آیا نظر میں سبزہ‌ خار اوپر بہاروں میں بلا گرداں ہوئے گر دیکھ کر آہو اچنبھا نئیں کہ ہوئے ہے محو نرگس تیری انکھیاں کے نظاروں میں پری‌ رویان گلشن سوں لے آئی سیم و زر نرگس نظر بازاں بجا گنتے ہیں اوس کوں مالداروں میں نہ کہہ سیماب کے مانند میرے دل کوں اے چنچل ترا بیتاب ہے ممتاز سارے بے قراروں میں نکلنا ماہ رو کے دام سے دشوار ہے یاراں رہا ہے مبتلاؔ کا دل الجھ زلفاں کے تاروں میں

ai bulbul-e-dil dauD ke jaanaan kuun pahunch tuun

اے بلبل دل دوڑ کے جاناں کوں پہنچ توں ویرانۂ تن چھوڑ گلستاں کوں پہنچ توں تجھ ہجر سیں ہوں جاں بہ لب اے یار شفا بخش جلدی سے مرے درد کے درماں کوں پہنچ توں یعقوب ترے غم ستی اے یوسف مصری بے کل ہے شتابی ستی کنعاں کوں پہنچ توں لگنا ہے تجھے پاؤں سیں گر اے دل پر خوں سنجاف نمن شوخ کے داماں کوں پہنچ توں اے دل جو تجھے جگ منے ہونا ہے سرخ رو تو پیو کے لب لعل بدخشاں کوں پہنچ توں ہے حسن کی گرمی سیتی بیتاب شب و روز اے باد سحر زلف پریشاں کوں پہنچ توں