Zakauddin Shaya.N

سیہ بستر پڑے ہیں صبح نظارہ اتر آئے کہ شب کو زینہ زینہ کوئی مہ پارہ اتر آئے سوار غم رواں ہیں کھول دو عشرت کدوں کے در خبر کیا کون اندھیرے کا تھکا ہارا اتر آئے عجب ڈر ہے مٹیلی وادیاں اوپر کو تکتی ہیں کسی طوفان کی صورت نہ طیارہ اتر آئے دمک اٹھے مری صبحوں میں وہ ہنستا ہوا چہرہ مری راتوں میں ان آنکھوں کا غم سارا اتر آئے حقیقت کی شرر انگیزیوں میں گفتگو اس کی زباں کھولوں تو جیسے لب پہ انگارہ اتر آئے درخشاں بازوؤں کی حلقہ حلقہ سرخ سی موجیں ہمارے خون سے شعلوں کا فوارہ اتر آئے تماشے بحر کی سطحوں پہ موجوں کے بھی کیا کم ہیں کہ اوپر سے ہواؤں کی اداکارہ اتر آئے

siyah bistar paDe hain subh-e-nazzaara utar aae

1 views

ابھرتا چاند سیہ رات کے پروں میں تھا کوئی تو چہرہ مرے درد کے گھروں میں تھا وہ عکس جسم جو خوابوں میں ہو گیا تحلیل کبھی ان آنکھوں کے سمٹے ہوئے دروں میں تھا خنک ہواؤں کے زانوں پہ سوچے ہیں وہ تری وفاؤں کا کچھ درد جن سروں میں تھا گزشتہ رات کی آندھی بھی آ کے دیکھ گئی اٹل سکوت غموں کے سمندروں میں تھا یہ دن کا داغ جو راتوں کو منہ چھپاتا ہے کبھی یہی تو سحر کے پیمبروں میں تھا

ubhartaa chaand siyah raat ke paron mein thaa