aayaa nahin hai raah pe charkh-e-kuhan abhi — Ehsan Danish Kandhlvi
"aayaa nahin hai raah pe charkh-e-kuhan abhi khatre mein dekhtaa huun chaman kaa chaman abhi uTTheinge apni bazm se mansur saikaDon kaam ahl-e-haq ke aaeinge daar-o-rasan abhi ranj-o-mehan nigaah jo pherein to pher lein lekin mujhe 'aziz hain ranj-o-mehan abhi baDhne do aur shauq-e-shahaadat avaam mein kuchh baanjh to nahin hai ye khaak-e-vatan abhi aankhon ki surkhiyaan hain azaaem kaa ishtihaar siine sulag rahe hain lagi hai lagan abhi ye kaarvaan shanaavar-e-tufaan to hai magar chehron pe bolti hai safar ki thakan abhi hain saamne hamaare rivaayaat-e-kaar-zaar baandhe hue hain sar se mujaahid kafan abhi ban ban ke jaane kitne fanaa honge somnaat baste hain har gali mein yahaan but-shikan abhi ai shahryaar ham se shikasta-dilon mein aa teri taraf se khalq ko hai husn-e-zan abhi raqsaan abhi hain shaam-e-gharibaan ki jhalkiyaan raushan nahin hai khanda-e-subh-e-vatan abhi jiite rahein umiid pe rindaan-e-tishna-kaam chaltaa nahin hai daur-e-sharaab-e-kuhan abhi jin ke lahu se qasr-e-vafaa mein jale charaagh in gham-zadon mein 'aam hain ranj-o-mehan abhi gulshan se phuul chal ke mazaaron tak aa gae lekin hai baaghbaan ki jabin par shikan abhi hai 'ilm ki nigaah se pinhaan rah-e-amal kahte nahin kafan ko yahaan pairahan abhi nabz-e-bahaar par hain bagulon ki ungliyaan chalne ko chal rahi hai nasim-e-chaman abhi shabnam ke ashk sukhne deti nahin fazaa hanstaa hai khud bahaar-e-chaman par chaman abhi har gaam har maqaam pe koshish ke baavajud 'daanish' na aa sakaa mujhe jiine kaa fan abhi"
آیا نہیں ہے راہ پہ چرخ کہن ابھی خطرے میں دیکھتا ہوں چمن کا چمن ابھی اٹھیں گے اپنی بزم سے منصور سیکڑوں کام اہل حق کے آئیں گے دار و رسن ابھی رنج و محن نگاہ جو پھیریں تو پھیر لیں لیکن مجھے عزیز ہیں رنج و محن ابھی بڑھنے دو اور شوق شہادت عوام میں کچھ بانجھ تو نہیں ہے یہ خاک وطن ابھی آنکھوں کی سرخیاں ہیں عزائم کا اشتہار سینے سلگ رہے ہیں لگی ہے لگن ابھی یہ کارواں شناور طوفاں تو ہے مگر چہروں پہ بولتی ہے سفر کی تھکن ابھی ہیں سامنے ہمارے روایات کارزار باندھے ہوئے ہیں سر سے مجاہد کفن ابھی بن بن کے جانے کتنے فنا ہوں گے سومنات بستے ہیں ہر گلی میں یہاں بت شکن ابھی اے شہریار ہم سے شکستہ دلوں میں آ تیری طرف سے خلق کو ہے حسن ظن ابھی رقصاں ابھی ہیں شام غریباں کی جھلکیاں روشن نہیں ہے خندۂ صبح وطن ابھی جیتے رہیں امید پہ رندان تشنہ کام چلتا نہیں ہے دور شراب کہن ابھی جن کے لہو سے قصر وفا میں جلے چراغ ان غم زدوں میں عام ہیں رنج و محن ابھی گلشن سے پھول چل کے مزاروں تک آ گئے لیکن ہے باغباں کی جبیں پر شکن ابھی ہے علم کی نگاہ سے پنہاں رہ عمل کہتے نہیں کفن کو یہاں پیرہن ابھی نبض بہار پر ہیں بگولوں کی انگلیاں چلنے کو چل رہی ہے نسیم چمن ابھی شبنم کے اشک سوکھنے دیتی نہیں فضا ہنستا ہے خود بہار چمن پر چمن ابھی ہر گام ہر مقام پہ کوشش کے باوجود دانشؔ نہ آ سکا مجھے جینے کا فن ابھی
आया नहीं है राह पे चर्ख़-ए-कुहन अभी ख़तरे में देखता हूँ चमन का चमन अभी उट्ठेंगे अपनी बज़्म से मंसूर सैकड़ों काम अहल-ए-हक़ के आएँगे दार-ओ-रसन अभी रंज-ओ-मेहन निगाह जो फेरें तो फेर लें लेकिन मुझे 'अज़ीज़ हैं रंज-ओ-मेहन अभी बढ़ने दो और शौक़-ए-शहादत अवाम में कुछ बाँझ तो नहीं है ये ख़ाक-ए-वतन अभी आँखों की सुर्ख़ियाँ हैं अज़ाएम का इश्तिहार सीने सुलग रहे हैं लगी है लगन अभी ये कारवाँ शनावर-ए-तूफ़ाँ तो है मगर चेहरों पे बोलती है सफ़र की थकन अभी हैं सामने हमारे रिवायात-ए-कार-ज़ार बाँधे हुए हैं सर से मुजाहिद कफ़न अभी बन बन के जाने कितने फ़ना होंगे सोमनात बस्ते हैं हर गली में यहाँ बुत-शिकन अभी ऐ शहरयार हम से शिकस्ता-दिलों में आ तेरी तरफ़ से ख़ल्क़ को है हुस्न-ए-ज़न अभी रक़्साँ अभी हैं शाम-ए-ग़रीबाँ की झलकियाँ रौशन नहीं है ख़ंदा-ए-सुब्ह-ए-वतन अभी जीते रहें उमीद पे रिंदान-ए-तिश्ना-काम चलता नहीं है दौर-ए-शराब-ए-कुहन अभी जिन के लहू से क़स्र-ए-वफ़ा में जले चराग़ इन ग़म-ज़दों में 'आम हैं रंज-ओ-मेहन अभी गुलशन से फूल चल के मज़ारों तक आ गए लेकिन है बाग़बाँ की जबीं पर शिकन अभी है 'इल्म की निगाह से पिन्हाँ रह-ए-अमल कहते नहीं कफ़न को यहाँ पैरहन अभी नब्ज़-ए-बहार पर हैं बगूलों की उँगलियाँ चलने को चल रही है नसीम-ए-चमन अभी शबनम के अश्क सूखने देती नहीं फ़ज़ा हँसता है ख़ुद बहार-ए-चमन पर चमन अभी हर गाम हर मक़ाम पे कोशिश के बावजूद 'दानिश' न आ सका मुझे जीने का फ़न अभी
