bas khaak-e-qadam dijiye takraar bahut ki — Abdul Rahman Ehsan Dehlvi
"bas khaak-e-qadam dijiye takraar bahut ki miTTi miri is khaak ne hi khvaar bahut ki chaiD mujh ko tujhe riijh ke takraar bahut ki khush rah ki khushaamad tiri ai yaar bahut ki hargiz na gai pesh na aayaa mah-e-be-mehr har chand ki zaari pas-e-divaar bahut ki laai kashish-e-dil hi tumhein tum ne to varna yahaan aane mein ik umr talak aar bahut ki us chashm ne dekhaa dil-e-bimaar ko mere bimaar ne kal khaatir-e-bimaar bahut ki abru ki tasavvur mein huaa qatl miraa dil phal kyuun na mile mard thaa talvaar bahut ki ushshaaq mein main hi hadaf-e-tir huun us kaa azmat hi yahi khidmat-e-sarkaar bahut ki is tarah kaa be-did to gham hogaa jahaan mein ki ham ne bhi hai diid trahdaar bahut ki surat tiri aage hi bhabukaa thi va-lekin zulfon ke bikharne ne dhuaandhaar bahut ki yahaan aaTh pahar jins se vafaa ham ne dikhaai dekhaa na kharidaar to naa-chaar bahut ki yaarab na rahe naam judaai ki rah-e-ishq aasaan thi par us ne hi dushvaar bahut ki maalum koi din ko tujhe hogi haqiqat kam us tire iqraar ki inkaar bahut ki har chand ki khat se bhi dhuaan-shakl hai ai mah par khat ki na rakhne ne numudaar bahut ki ghar mein na tire kuud sakaa raat-gae main haan apni si tadbir to ai yaar bahut ki bahbud ke aasaar na dekhe kabhu hargiz jis shakhs ne unchi tiri divaar bahut ki kam ham saa kharidaar baham pahunchegaa us ko kyuun ishq ne jins-e-gham-e-bisyaar bahut ki bolaa sar-e-mansur sar-e-daar pe 'ehsaa۔n' haq hai ki sazaa-vaar the pindaar bahut ki"
بس خاک قدم دیجئے تکرار بہت کی مٹی مری اس خاک نے ہی خوار بہت کی چڑ مجھ کو تجھے ریجھ کے تکرار بہت کی خوش رہ کہ خوشامد تری اے یار بہت کی ہرگز نہ گئی پیش نہ آیا مہ بے مہر ہر چند کہ زاری پس دیوار بہت کی لائی کشش دل ہی تمہیں تم نے تو ورنہ یہاں آنے میں اک عمر تلک عار بہت کی اس چشم نے دیکھا دل بیمار کو میرے بیمار نے کل خاطر بیمار بہت کی ابرو کی تصور میں ہوا قتل مرا دل پھل کیوں نہ ملے مرد تھا تلوار بہت کی عشاق میں میں ہی ہدف تیر ہوں اس کا عظمت ہی یہی خدمت سرکار بہت کی اس طرح کا بے دید تو غم ہوگا جہاں میں کی ہم نے بھی ہے دید طرحدار بہت کی صورت تری آگے ہی بھبوکا تھی ولیکن زلفوں کے بکھرنے نے دھواندھار بہت کی یہاں آٹھ پہر جنس سے وفا ہم نے دکھائی دیکھا نہ خریدار تو ناچار بہت کی یا رب نہ رہے نام جدائی کہ رہ عشق آسان تھی پر اس نے ہی دشوار بہت کی معلوم کوئی دن کو تجھے ہوگی حقیقت کم اس ترے اقرار کی انکار بہت کی ہر چند کہ خط سے بھی دھواں شکل ہے اے مہ پر خط کی نہ رکھنے نے نمودار بہت کی گھر میں نہ ترے کود سکا رات گئے میں ہاں اپنی سی تدبیر تو اے یار بہت کی بہبود کے آثار نہ دیکھے کبھو ہرگز جس شخص نے اونچی تری دیوار بہت کی کم ہم سا خریدار بہم پہنچے گا اس کو کیوں عشق نے جنس غم بسیار بہت کی بولا سر منصور سر دار پہ احساںؔ حق ہے کہ سزا وار تھے پندار بہت کی
बस ख़ाक-ए-क़दम दीजिए तकरार बहुत की मिट्टी मिरी इस ख़ाक ने ही ख़्वार बहुत की चिड़ मुझ को तुझे रीझ के तकरार बहुत की ख़ुश रह कि ख़ुशामद तिरी ऐ यार बहुत की हरगिज़ न गई पेश न आया मह-बे-मेहर हर चंद कि ज़ारी पस-ए-दीवार बहुत की लाई कशिश-ए-दिल ही तुम्हें तुम ने तो वर्ना यहाँ आने में इक उम्र तलक आर बहुत की उस चश्म ने देखा दिल-ए-बीमार को मेरे बीमार ने कल ख़ातिर-ए-बीमार बहुत की अबरू की तसव्वुर में हुआ क़त्ल मिरा दिल फल क्यूँ न मिले मर्द था तलवार बहुत की उश्शाक़ में मैं ही हदफ़-ए-तीर हूँ उस का अज़्मत ही यही ख़िदमत-ए-सरकार बहुत की इस तरह का बे-दीद तो ग़म होगा जहाँ में की हम ने भी है दीद तरहदार बहुत की सूरत तिरी आगे ही भबूका थी व-लेकिन ज़ुल्फ़ों के बिखरने ने धुआँधार बहुत की यहाँ आठ पहर जिंस से वफ़ा हम ने दिखाई देखा न ख़रीदार तो नाचार बहुत की यारब न रहे नाम जुदाई कि रह-ए-इश्क़ आसान थी पर उस ने ही दुश्वार बहुत की मा'लूम कोई दिन को तुझे होगी हक़ीक़त कम उस तिरे इक़रार की इंकार बहुत की हर चंद कि ख़त से भी धुआँ-शक्ल है ऐ मह पर ख़त की न रखने ने नुमूदार बहुत की घर में न तिरे कूद सका रात-गए मैं हाँ अपनी सी तदबीर तो ऐ यार बहुत की बहबूद के आसार न देखे कभू हरगिज़ जिस शख़्स ने ऊँची तिरी दीवार बहुत की कम हम सा ख़रीदार बहम पहुँचेगा उस को क्यूँ इश्क़ ने जिंस-ए-ग़म-ए-बिसयार बहुत की बोला सर-ए-मंसूर सर-ए-दार पे 'एहसाँ' हक़ है कि सज़ा-वार थे पिंदार बहुत की
