ham se kartaa hai abas guftaar kaj — Meer Kallu Arsh
"ham se kartaa hai abas guftaar kaj raast-baazon se na ho ai yaar kaj ishq-e-abru se tiri ai kaj-kulaah baandhtaa hai maah-e-nau dastaar kaj hai tavaazo bhi buzurgi kaa nishaan kyuun na ho piiri mein jism-e-zaar kaj kaj-ravi is zulf kaa hai khaassa jis tarah hai maar ki raftaar kaj haat yuun qaatil-jabinon kaa lagaa jis tarah pahne sanam zunnaar kaj raasti ik baat mein us ki nahin kaj ravaa kaj-maj zabaan guftaar kaj qasr-e-tan piiri mein jhuk kar kyaa ruke gir paDe kohna jo ho divaar kaj jaa-e-nazzaara hai phirte hain hasin Topiyaan rakh kar sar-e-baazaar kaj kaj-numaa aaina-e-aalam hai 'arsh' be-sabab TeDhe abas hain yaar kaj"
ہم سے کرتا ہے عبث گفتار کج راست بازوں سے نہ ہو اے یار کج عشق ابرو سے تری اے کج کلاہ باندھتا ہے ماہ نو دستار کج ہے تواضع بھی بزرگی کا نشاں کیوں نہ ہو پیری میں جسم زار کج کج روی اس زلف کا ہے خاصہ جس طرح ہے مار کی رفتار کج ہات یوں قاتل جبینوں کا لگا جس طرح پہنے صنم زنار کج راستی اک بات میں اس کی نہیں کج روا کج مج زباں گفتار کج قصر تن پیری میں جھک کر کیا رکے گر پڑے کہنہ جو ہو دیوار کج جائے نظارہ ہے پھرتے ہیں حسیں ٹوپیاں رکھ کر سر بازار کج کج نما آئینۂ عالم ہے عرشؔ بے سبب ٹیڑھے عبث ہیں یار کج
हम से करता है अबस गुफ़्तार कज रास्त-बाज़ों से न हो ऐ यार कज इश्क़-ए-अबरू से तिरी ऐ कज-कुलाह बाँधता है माह-ए-नौ दस्तार कज है तवाज़ो भी बुज़ुर्गी का निशाँ क्यूँ न हो पीरी में जिस्म-ए-ज़ार कज कज-रवी इस ज़ुल्फ़ का है ख़ास्सा जिस तरह है मार की रफ़्तार कज हात यूँ क़ातिल-जबीनों का लगा जिस तरह पहने सनम ज़ुन्नार कज रास्ती इक बात में उस की नहीं कज रवा कज-मज ज़बाँ गुफ़्तार कज क़स्र-ए-तन पीरी में झुक कर क्या रुके गिर पड़े कोहना जो हो दीवार कज जा-ए-नज़्ज़ारा है फिरते हैं हसीं टोपियाँ रख कर सर-ए-बाज़ार कज कज-नुमा आईना-ए-आलम है 'अर्श' बे-सबब टेढ़े अबस हैं यार कज