koi pahlu mein abhi so ke uThaa hai shaayad — Abdul Wahab Sukhan
"koi pahlu mein abhi so ke uThaa hai shaayad nikhat-e-zulf ne saanson ko chhuaa hai shaayad aaj moti se baraste hain miri aankhon mein us ki rahmat ke qarin dast-e-du'aa hai shaayad lauT kar mujh ko sadaa aati hai meri yaa phir mire lahje mein koi bol rahaa hai shaayad ruuh pahle hi shikasta thi gunaahon se miri aur ab meraa badan TuuT rahaa hai shaayad aaj maazi ke darichon se havaa aai hai aaj us ne bhi mujhe yaad kiyaa hai shaayad ahl-e-imaan kaa turra hai yaqin-e-vahdat aur be-din ye kahte hain khudaa hai shaayad ghar ki tanhaai mein saakit hain dar-o-baam 'sukhan' pas-e-divaar magar koi sadaa hai shaayad"
کوئی پہلو میں ابھی سو کے اٹھا ہے شاید نکہت زلف نے سانسوں کو چھوا ہے شاید آج موتی سے برستے ہیں مری آنکھوں میں اس کی رحمت کے قریں دست دعا ہے شاید لوٹ کر مجھ کو صدا آتی ہے میری یا پھر مرے لہجے میں کوئی بول رہا ہے شاید روح پہلے ہی شکستہ تھی گناہوں سے مری اور اب میرا بدن ٹوٹ رہا ہے شاید آج ماضی کے دریچوں سے ہوا آئی ہے آج اس نے بھی مجھے یاد کیا ہے شاید اہل ایمان کا طرہ ہے یقین وحدت اور بے دین یہ کہتے ہیں خدا ہے شاید گھر کی تنہائی میں ساکت ہیں در و بام سخنؔ پس دیوار مگر کوئی صدا ہے شاید
कोई पहलू में अभी सो के उठा है शायद निकहत-ए-ज़ुल्फ़ ने साँसों को छुआ है शायद आज मोती से बरसते हैं मिरी आँखों में उस की रहमत के क़रीं दस्त-ए-दु'आ है शायद लौट कर मुझ को सदा आती है मेरी या फिर मिरे लहजे में कोई बोल रहा है शायद रूह पहले ही शिकस्ता थी गुनाहों से मिरी और अब मेरा बदन टूट रहा है शायद आज माज़ी के दरीचों से हवा आई है आज उस ने भी मुझे याद किया है शायद अहल-ए-ईमान का तुर्रा है यक़ीन-ए-वहदत और बे-दीन ये कहते हैं ख़ुदा है शायद घर की तन्हाई में साकित हैं दर-ओ-बाम 'सुख़न' पस-ए-दीवार मगर कोई सदा है शायद
