nigaah-e-shokh jab us se laDi hai — Dagh Dehlvi
"nigaah-e-shokh jab us se laDi hai to bijli thartharaa kar gir paDi hai use bhi mujh ko bhi zid aa paDi hai kharaabi biich vaalon ki baDi hai qayaamat mein qayaamat kar gayaa kaun ki dil thaame saf-e-mehshar khaDi hai karein kyaa rind tauba mai se zaahid ki ye to un ki ghuTTi mein paDi hai qadam jamtaa nahin teri gali mein kisi betaab ki mayyat gaDi hai adu bhi tang hai un ke sitam se use apni mujhe apni paDi hai abhi main ne kiyaa thaa yaad us ko vo aayaa umr qaasid ki baDi hai banaa hai muddai paighaam-bar bhi jaDi hai jab miri khuTi jaDi hai kiyaa hai main ne zabt-e-aah jis dam ani barchhi ki siine mein gaDi hai gul-e-bistar sitaare ban gae hain tire maathe se jab afshaan jhaDi hai ye kahtaa hai miraa shauq-e-shahaadat tiri talvaar phulon ki chhaDi hai vo ruThein ghair se to ham manaaein paraai aafat apne sar paDi hai tujhe detaa huun apni jaan bhi main mire dil se miri himmat baDi hai Talein vo kab jo dil lene pe aD jaaein ye kyaa kuchh khel chausar ki aDi hai ilaahi kab sahar hogi shab-e-hijr qayaamat ki ghaDi hai jo ghaDi hai bigaD kar ham ne sau ilzaam paae ab un ki har tarah se ban paDi hai ghazal ik aur bhi ai 'daagh' likkho tabiat is zamin mein kuchh laDi hai"
نگاہ شوخ جب اس سے لڑی ہے تو بجلی تھرتھرا کر گر پڑی ہے اسے بھی مجھ کو بھی ضد آ پڑی ہے خرابی بیچ والوں کی بڑی ہے قیامت میں قیامت کر گیا کون کہ دل تھامے صف محشر کھڑی ہے کریں کیا رند توبہ مے سے زاہد کہ یہ تو ان کی گھٹی میں پڑی ہے قدم جمتا نہیں تیری گلی میں کسی بیتاب کی میت گڑی ہے عدو بھی تنگ ہے ان کے ستم سے اسے اپنی مجھے اپنی پڑی ہے ابھی میں نے کیا تھا یاد اس کو وہ آیا عمر قاصد کی بڑی ہے بنا ہے مدعی پیغام بر بھی جڑی ہے جب مری کھوٹی جڑی ہے کیا ہے میں نے ضبط آہ جس دم انی برچھی کی سینے میں گڑی ہے گل بستر ستارے بن گئے ہیں ترے ماتھے سے جب افشاں جھڑی ہے یہ کہتا ہے مرا شوق شہادت تری تلوار پھولوں کی چھڑی ہے وہ روٹھیں غیر سے تو ہم منائیں پرائی آفت اپنے سر پڑی ہے تجھے دیتا ہوں اپنی جان بھی میں مرے دل سے مری ہمت بڑی ہے ٹلیں وہ کب جو دل لینے پہ اڑ جائیں یہ کیا کچھ کھیل چوسر کی اڑی ہے الٰہی کب سحر ہوگی شب ہجر قیامت کی گھڑی ہے جو گھڑی ہے بگڑ کر ہم نے سو الزام پائے اب ان کی ہر طرح سے بن پڑی ہے غزل اک اور بھی اے داغؔ لکھو طبیعت اس زمیں میں کچھ لڑی ہے
निगाह-ए-शोख़ जब उस से लड़ी है तो बिजली थरथरा कर गिर पड़ी है उसे भी मुझ को भी ज़िद आ पड़ी है ख़राबी बीच वालों की बड़ी है क़यामत में क़यामत कर गया कौन कि दिल थामे सफ़-ए-महशर खड़ी है करें क्या रिंद तौबा मय से ज़ाहिद कि ये तो उन की घुट्टी में पड़ी है क़दम जमता नहीं तेरी गली में किसी बेताब की मय्यत गड़ी है अदू भी तंग है उन के सितम से उसे अपनी मुझे अपनी पड़ी है अभी मैं ने किया था याद उस को वो आया उम्र क़ासिद की बड़ी है बना है मुद्दई पैग़ाम-बर भी जड़ी है जब मिरी खूटी जड़ी है किया है मैं ने ज़ब्त-ए-आह जिस दम अनी बरछी की सीने में गड़ी है गुल-ए-बिस्तर सितारे बन गए हैं तिरे माथे से जब अफ़्शाँ झड़ी है ये कहता है मिरा शौक़-ए-शहादत तिरी तलवार फूलों की छड़ी है वो रूठें ग़ैर से तो हम मनाएँ पराई आफ़त अपने सर पड़ी है तुझे देता हूँ अपनी जान भी मैं मिरे दिल से मिरी हिम्मत बड़ी है टलें वो कब जो दिल लेने पे अड़ जाएँ ये क्या कुछ खेल चौसर की अड़ी है इलाही कब सहर होगी शब-ए-हिज्र क़यामत की घड़ी है जो घड़ी है बिगड़ कर हम ने सौ इल्ज़ाम पाए अब उन की हर तरह से बन पड़ी है ग़ज़ल इक और भी ऐ 'दाग़' लिक्खो तबीअत इस ज़मीं में कुछ लड़ी है
