raqs-e-masti dekhte josh-e-tamannaa dekhte — Asghar Gondvi
"raqs-e-masti dekhte josh-e-tamannaa dekhte saamne laa kar tujhe apnaa tamaashaa dekhte kam se kam husn-e-takhyyul kaa tamaashaa dekhte jalva-e-yusuf to kyaa khvaab-e-zulekhaa dekhte kuchh samajh kar ham ne rakkhaa hai hijaab-e-deher ko toD kar shishe ko phir kyaa rang-e-sahbaa dekhte roz-e-raushan yaa shab-e-mahtaab yaa subh-e-chaman ham jahaan se chaahte vo ru-e-zebaa dekhte qalb par girti taDap kar phir vahi barq-e-jamaal har bun-e-mu mein vahi aashob o ghaughaa dekhte sad-zamaan o sad-makaan o in-jahaan o aan-jahaan tum na aa jaate to ham vahshat mein kyaa kyaa dekhte is tarah kuchh rang bhar jaataa nigaah-e-shauq mein jalva khud betaab ho jaataa vo parda dekhte jin ko apni shokhiyon par aaj itnaa naaz hai vo kisi din meri jaan-e-naa-shakebaa dekhte mai-kade mein zindagi hai shor-e-noshaa-nosh hai miT gae hote agar ham jaam o miinaa dekhte"
رقص مستی دیکھتے جوش تمنا دیکھتے سامنے لا کر تجھے اپنا تماشا دیکھتے کم سے کم حسن تخیل کا تماشا دیکھتے جلوۂ یوسف تو کیا خواب زلیخا دیکھتے کچھ سمجھ کر ہم نے رکھا ہے حجاب دہر کو توڑ کر شیشے کو پھر کیا رنگ صہبا دیکھتے روز روشن یا شب مہتاب یا صبح چمن ہم جہاں سے چاہتے وہ روئے زیبا دیکھتے قلب پر گرتی تڑپ کر پھر وہی برق جمال ہر بن مو میں وہی آشوب و غوغا دیکھتے صد زماں و صد مکاں و ایں جہاں و آں جہاں تم نہ آ جاتے تو ہم وحشت میں کیا کیا دیکھتے اس طرح کچھ رنگ بھر جاتا نگاہ شوق میں جلوہ خود بیتاب ہو جاتا وہ پردا دیکھتے جن کو اپنی شوخیوں پر آج اتنا ناز ہے وہ کسی دن میری جان ناشکیبا دیکھتے مے کدے میں زندگی ہے شور نوشا نوش ہے مٹ گئے ہوتے اگر ہم جام و مینا دیکھتے
रक़्स-ए-मस्ती देखते जोश-ए-तमन्ना देखते सामने ला कर तुझे अपना तमाशा देखते कम से कम हुस्न-ए-तख़य्युल का तमाशा देखते जल्वा-ए-यूसुफ़ तो क्या ख़्वाब-ए-ज़ुलेख़ा देखते कुछ समझ कर हम ने रक्खा है हिजाब-ए-दहर को तोड़ कर शीशे को फिर क्या रंग-ए-सहबा देखते रोज़-ए-रौशन या शब-ए-महताब या सुब्ह-ए-चमन हम जहाँ से चाहते वो रू-ए-ज़ेबा देखते क़ल्ब पर गिरती तड़प कर फिर वही बर्क़-ए-जमाल हर बुन-ए-मू में वही आशोब ओ ग़ौग़ा देखते सद-ज़माँ ओ सद-मकाँ ओ ईं-जहाँ ओ आँ-जहाँ तुम न आ जाते तो हम वहशत में क्या क्या देखते इस तरह कुछ रंग भर जाता निगाह-ए-शौक़ में जल्वा ख़ुद बेताब हो जाता वो पर्दा देखते जिन को अपनी शोख़ियों पर आज इतना नाज़ है वो किसी दिन मेरी जान-ए-ना-शकेबा देखते मय-कदे में ज़िंदगी है शोर-ए-नोशा-नोश है मिट गए होते अगर हम जाम ओ मीना देखते
