us ko chashm-e-pur-aab de denaa — Mahmood Kazim

"apne sab daftar ke saathi yaar hamaaraa koi nahin kursi mez kaa un se rishta dil kaa rishta koi nahin dar pe mire vo jab tak pahunchaa khul gae raah ke darvaaze main ne sochaa thaa ki yahaan par us kaa shanaasaa koi nahin vo bhi achchhe aap bhi achchhe kaun buraa hai lekin haan jo ham ko achchhaa kahtaa hai us se achchhaa koi nahin aao zaraa chal kar to dekhein kaun hain ye kaise hain log ik muddat se is basti mein aataa jaataa koi nahin raat havaa kuchh tez thi shaayad bol rahe the darvaaze puchhte kyon ho kaun aayaa thaa kaun aayaa thaa koi nahin ghar ko to hamsaae ne chhinaa saae ban ke rahe 'kaazim' khat kaa javaab na tum ab denaa apnaa Thikaanaa koi nahin"

"nikhat-e-gul se bu-e-yaar aae ab ke yuun fasl-e-nau-bahaar aae ham ko miltaa bhi kyaa ki khud ham hi le ke daamaan taar-taar aae ham khataaon kaa kar chuke iqraar ab ye kyon aap sharmsaar aae aae divaana-vaar baad-e-sabaa hosh uDaati hui bahaar aae ahl-e-vahshat ki bazm mein 'kaazim' ban ke divaane hoshiyaar aae"

"khud ko pahchaanaa to duniyaa ajnabi lagne lagi har taalluq mein taalluq ki kami lagne lagi kyaa zaruri thaa ki tum milte raho asnaa-e-raah ik muamma si tumhaari be-rukhi lagne lagi meraa mustaqbil na batlaa dekh koi sun na le kitni larza-khez teri aagahi lagne lagi kho gae apne mein khud ko DhunDne vaale tamaam ab to irfaan-e-anaa bhi gumrahi lage lagi khushk ik muddat se thaa jo mere aangan kaa darakht ab ke tum aae to patti phir hari lagne lagi"

"is jagah kaun kaun thaa likhiye bhed kis tarah khul gayaa likhiye jurm ko jurm ki sazaa likhiye dard ko dard ki davaa likhiye baat tahrir tak jab aa pahunchi vo buraa hai to phir buraa likhiye koi raazi nahin gavaahi par sab musir hain ki haadsa likhiye baat to ye hai baat kuchh bhi nahin aap chaahein to haashiya likhiye sach hai jiine kaa haq nahin mujh ko hai koi aur mashvara likhiye baat kaa vaqt kho diyaa 'kaazim' ab to likhnaa hi rah gayaa likhiye"

"khud ko har pal se baa-khabar rakhiye lamha lamha sanbhaal kar rakhiye kis ko fursat hai baat ko parkhe apne lahje ko pur-asar rakhiye ye sitaare bahut hain kaj-raftaar in ki raftaar par nazar rakhiye intiqaal aur tabaadala bar-haq ghar kaa saamaan mukhtasar rakhiye hai bahut sakht kal kaa registaan chhaagalein aaj hi se bhar rakhiye shaairaana ravish ye hai 'kaazim' be-khabar ban ke sab khabar rakhiye"

"paasbaan-e-shahr chup hai vaqt kaisaa aa gayaa toD kar divaar-o-dar basti mein sahraa aa gayaa dopahar ki dhuup aur sahraa koi kyaa saath de Dar ke jab khud mere andar meraa saayaa aa gayaa aaine mein baal ik chamkaa mire sar kaa safed uD ke baahar sahn mein ik zard pattaa aa gayaa ibn-e-aadam kaa lahu sab ki bujhaa detaa hai pyaas jab kabhi pyaasaa huaa basti mein dariyaa aa gayaa hai vahi shaair miri nazron mein 'kaazim' kaamyaab lafz ki talvaar par jis ko ki chalnaa aa gayaa"