zard chehra hai miraa zard bhi aisaa-vaisaa — Komal Joya
"zard chehra hai miraa zard bhi aisaa-vaisaa hijr kaa dard hai aur dard bhi aisaa-vaisaa aisi ThanDak ki jami barf har ik khvaahish par sard lahja thaa koi sard bhi aisaa-vaisaa ab use fursat-e-ahvaal mayassar hi nahin vo jo hamdard thaa hamdard bhi aisaa-vaisaa yaani is dhuul ke chhuTne pe bhi ilzaam-e-junun koi tufaan hai pas-e-gard bhi aisaa-vaisaa puuri basti mein bas ik shakhs se nisbat mujh ko mujh se munkir hai vo ik fard bhi aisaa vaisaa ishq ne rail ki paTri pe liTaayaa jis ko thaa javaan-mard javaan-mard bhi aisaa-vaisaa kyaa tujhe hijr ke aazaar bataae 'komal' tu to be-dard hai be-dard bhi aisaa-vaisaa"
زرد چہرہ ہے مرا زرد بھی ایسا ویسا ہجر کا درد ہے اور درد بھی ایسا ویسا ایسی ٹھنڈک کہ جمی برف ہر اک خواہش پر سرد لہجہ تھا کوئی سرد بھی ایسا ویسا اب اسے فرصت احوال میسر ہی نہیں وہ جو ہمدرد تھا ہمدرد بھی ایسا ویسا یعنی اس دھول کے چھٹنے پہ بھی الزام جنوں کوئی طوفاں ہے پس گرد بھی ایسا ویسا پوری بستی میں بس اک شخص سے نسبت مجھ کو مجھ سے منکر ہے وہ اک فرد بھی ایسا ویسا عشق نے ریل کی پٹری پہ لٹایا جس کو تھا جواں مرد جواں مرد بھی ایسا ویسا کیا تجھے ہجر کے آزار بتائے کوملؔ تو تو بے درد ہے بے درد بھی ایسا ویسا
ज़र्द चेहरा है मिरा ज़र्द भी ऐसा-वैसा हिज्र का दर्द है और दर्द भी ऐसा-वैसा ऐसी ठंडक कि जमी बर्फ़ हर इक ख़्वाहिश पर सर्द लहजा था कोई सर्द भी ऐसा-वैसा अब उसे फ़ुर्सत-ए-अहवाल मयस्सर ही नहीं वो जो हमदर्द था हमदर्द भी ऐसा-वैसा या'नी इस धूल के छुटने पे भी इल्ज़ाम-ए-जुनूँ कोई तूफ़ाँ है पस-ए-गर्द भी ऐसा-वैसा पूरी बस्ती में बस इक शख़्स से निस्बत मुझ को मुझ से मुंकिर है वो इक फ़र्द भी ऐसा वैसा इश्क़ ने रेल की पटरी पे लिटाया जिस को था जवाँ-मर्द जवाँ-मर्द भी ऐसा-वैसा क्या तुझे हिज्र के आज़ार बताए 'कोमल' तू तो बे-दर्द है बे-दर्द भी ऐसा-वैसा
