haath donon miri gardan mein hamaail kiije — Aagha Akbarabadi

barq o simaab kaa 'aaghaa' na rahe naam-o-nishaan
dil ki betaabi se ik baar jo muztar main huun

— Aagha Akbarabadi

tavaaf-e-kaaba ko kyaa jaaein haj nahin vaajib
kalaal-khaane ke kuchh din-daar ham bhi hain

— Aagha Akbarabadi

sharaab piite hain to jaagte hain saari raat
mudaam aabid-e-shab-zinda-daar ham bhi hain

— Aagha Akbarabadi

do-shaala shaal kashmiri amiron ko mubaarak ho
galim-e-kohna mein jaaDaa faqiron kaa basar hogaa

— Aagha Akbarabadi

vaada-e-baada-e-athar kaa bharosa kab tak
chal ke bhaTTi pe piyein jura-e-irfaan kaisaa

— Aagha Akbarabadi

hamein to un ki mohabbat hai koi kuchh samjhe
hamaare saath mohabbat unhein nahin to nahin

— Aagha Akbarabadi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid