shaaeri talab apni shaaeri ataa us ki — Abdul Ahad Saaz

bol the divaanon ke jin se hosh vaalon ne
soch ke dhundlakon mein apnaa raasta paayaa

— Abdul Ahad Saaz

laa se laa kaa safar thaa to phir kis liye
har kham-e-raah se jaan ulajhti rahi

— Abdul Ahad Saaz

nazar to aate hain kamron mein chalte-phirte magar
ye ghar ke log na jaane kahaan gae hue hain

— Abdul Ahad Saaz

muflisi bhuuk ko shahvat se milaa deti hai
gandumi lams mein hai zaaiqa-e-naan-e-javin

— Abdul Ahad Saaz

'saaz' jab khulaa ham par sher koi 'ghaalib' kaa
ham ne goyaa baatin kaa ik suraagh saa paayaa

— Abdul Ahad Saaz

pas-manzar mein 'fēd' hue jaate hain insaani kirdaar
focus mein rafta rafta shaitaan ubhartaa aataa hai

— Abdul Ahad Saaz

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

zaraa dariyaa ki tah tak to pahunch jaane ki himmat kar
to phir ai Dubne vaale kinaaraa hi kinaaraa hai

— Basit Bhopali

dard-e-dil paas-e-vafaa jazba-e-imaan honaa
aadmiyat hai yahi aur yahi insaan honaa

— Chakbast Braj Narayan

ek isi baat kaa thaa Dar us ko
mujh mein inkaar ki bhi himmat thi

— Pooja Bhatiya

ham ne us ke lab o rukhsaar ko chhu kar dekhaa
hausle aag ko gulzaar banaa dete hain

— Qabil Ajmeri

havaa khafaa thi magar itni sang-dil bhi na thi
hamin ko shama jalaane kaa hausla na huaa

— Qaisarul Jafri