ek isi baat kaa thaa Dar us ko — Pooja Bhatiya

vo jo pahlaa thaa apnaa ishq vahi
aakhiri vaardaat thi dil ki

— Pooja Bhatiya

vo kis kaa hai is se kyaa lenaa denaa
baaz dafa kaafi hai us kaa honaa bhi

— Pooja Bhatiya

chalte chalte aksar ruk kar sochaa bhi
kyaa manzil par yaad rahegaa rastaa bhi

— Pooja Bhatiya

qatl karnaa to is ko Thiik nahin
ishq ki maut haadse mein ho

— Pooja Bhatiya

us ki bechaini baDhaanaa chaahti huun
suniye kah kar chup lagaanaa chaahti huun

— Pooja Bhatiya

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

himmat-e-tark-e-vafaa Duub gai
kis ne aankhon mein utaaraa dariyaa

— Abdul Mannan Tarzi

ye jazba-e-talab to miraa mar na jaaegaa
tum bhi agar miloge to ji bhar na jaaegaa

— Hayat Lakhnavi

aql kahti hai na jaa kucha-e-qaatil ki taraf
sarfaroshi ki havas kahti hai chal kyaa hogaa

— Abdul Mannan Bedil Azimabadi

rah-guzaar-e-maarifat tak ho rasaai yaa na ho
jazba--e-pur-shauq ki vaaraftagi kuchh kam nahin

— Afsar Narvi

khud pe kyaa biit gai itne dinon mein tujh bin
ye bhi himmat nahin ab jhaank ke andar dekhun

— Siddique Mujibi