phir ik nae safar pe chalaa huun makaan se — Abdur Rahim Nashtar

vo so rahaa hai khudaa duur aasmaanon mein
farishte loriyaan gaate hain us ke kaanon mein

— Abdur Rahim Nashtar

main teri chaah mein jhuTaa havas mein sachchaa huun
buraa samajh le magar dusron se achchhaa huun

— Abdur Rahim Nashtar

aavaaz de rahaa hai akelaa khudaa mujhe
main us ko sun rahaa huun havaaon ke kaan se

— Abdur Rahim Nashtar

vo ajnabi tiri baanhon mein jo rahaa shab bhar
kise khabar ki vo din bhar kahaan rahaa hogaa

— Abdur Rahim Nashtar

paan ke Thele hotel logon kaa jamghaT
apne tanhaa hone kaa ehsaas bhi kyaa

— Abdur Rahim Nashtar

main bhi taalaab kaa Thahraa huaa paani thaa kabhi
ek patthar ne ravaan dhaar kiyaa hai mujh ko

— Abdur Rahim Nashtar

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi