vaqt ke daaman mein koi — Abdussamad ’Tapish’

ab nishaana us ki apni zaat hai
laD rahaa hai ik anokhi jang vo

kaun patthar uThaae
ye shajar be-samar hai

use khilaunon se baDh kar hai fikr roTi ki
hamaare daur kaa bachcha janam se buDhaa hai

koi column nahin hai haadson par
bachaa kar aaj kaa akhbaar rakhnaa

un ke lab par miraa gila hi sahi
yaad karne kaa silsila to hai

main ne jo kuchh bhi likkhaa hai
vo sab harf-e-aainda hai