bhar laae hain ham aankh mein rakhne ko muqaabil — Abrar Ahmad

yaad bhi teri miT gai dil se
aur kyaa rah gayaa hai hone ko

— Abrar Ahmad

tu kahin baiTh aur hukm chalaa
ham jo hain teraa bojh Dhone ko

— Abrar Ahmad

kahin koi charaagh jaltaa hai
kuchh na kuchh raushni rahegi abhi

— Abrar Ahmad

qisse se tire meri kahaani se ziyaada
paani mein hai kyaa aur bhi paani se ziyaada

— Abrar Ahmad

jis kaam mein ham ne haath Daalaa
vo kaam muhaal ho gayaa hai

— Abrar Ahmad

har rukh hai kahin apne khad-o-khaal se baahar
har lafz hai kuchh apne maaani se ziyaada

— Abrar Ahmad

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

chaand ne taan li hai chaadar-e-abr
ab vo kapDe badal rahi hogi

— Jaun Elia

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

— Mushafi Ghulam Hamdani

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

duur tak chhaae the baadal aur kahin saaya na thaa
is tarah barsaat kaa mausam kabhi aayaa na thaa

— Qateel Shifai