ho gae hain pair saare tifl-e-ashk — Abroo Shah Mubarak

tire rukhsaara-e-simin pe maaraa zulf ne kunDal
liyaa hai azhdahaa niin chhin yaaro maal aashiq kaa

aaj yaaron ko mubaarak ho ki subh-e-eid hai
raag hai mai hai chaman hai dilrubaa hai diid hai

jo launDaa chhoD kar ranDi ko chaahe
vo kui aashiq nahin hai bul-havas hai

duur khaamosh baiThaa rahtaa huun
is tarah haal dil kaa kahtaa huun

tumhaare log kahte hain kamar hai
kahaan hai kis tarah ki hai kidhar hai

main nibal tanhaa na is duniyaa ki sohbat siin huaa
rustamon kuun kar diyaa hai naa-tavaan inzaal niin