apne apne hauslon apni talab ki baat hai — Adeeb Saharanpuri

yahi mahr o maah o anjum ko gila hai mujh se yaa-rab
ki unhein bhi chain miltaa jo mujhe qaraar hotaa

ik khalish ko haasil-e-umr-e-ravaan rahne diyaa
jaan kar ham ne unhein naa-mehrbaan rahne diyaa

hazaar baar iraada kiye baghair bhi ham
chale hain uTh ke to aksar gae usi ki taraf

manzilein na bhuleinge raah-rau bhaTakne se
shauq ko ta'alluq hi kab hai paanv thakne se

baandh kar ahd-e-vafaa koi gayaa hai mujh se
ai miri umr-e-ravaan aur zaraa aahista

raahat ki justuju mein khushi ki talaash mein
gham paalti hai umr-e-gurezaan nae nae