baandh kar ahd-e-vafaa koi gayaa hai mujh se — Adeeb Saharanpuri

yahi mahr o maah o anjum ko gila hai mujh se yaa-rab
ki unhein bhi chain miltaa jo mujhe qaraar hotaa

— Adeeb Saharanpuri

ik khalish ko haasil-e-umr-e-ravaan rahne diyaa
jaan kar ham ne unhein naa-mehrbaan rahne diyaa

— Adeeb Saharanpuri

hazaar baar iraada kiye baghair bhi ham
chale hain uTh ke to aksar gae usi ki taraf

— Adeeb Saharanpuri

manzilein na bhuleinge raah-rau bhaTakne se
shauq ko ta'alluq hi kab hai paanv thakne se

— Adeeb Saharanpuri

apne apne hauslon apni talab ki baat hai
chun liyaa ham ne unhein saaraa jahaan rahne diyaa

— Adeeb Saharanpuri

raahat ki justuju mein khushi ki talaash mein
gham paalti hai umr-e-gurezaan nae nae

— Adeeb Saharanpuri

kam-umri mein sunet hain
mar jaate hain achchhe log

— Malikzada Javed

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri