nashsha saa Doltaa hai tire ang ang par — Adil Mansuri

kab tak paDe rahoge havaaon ke haath mein
kab tak chalegaa khokhle shabdon kaa kaarobaar

— Adil Mansuri

dariyaa ke kinaare pe miri laash paDi thi
aur paani ki tah mein vo mujhe DhunD rahaa thaa

— Adil Mansuri

soe to dil mein ek jahaan jaagne lagaa
jaage to apni aankh mein jaale the khvaab ke

— Adil Mansuri

bismil ke taDapne ki adaaon mein nasha thaa
main haath mein talvaar liye jhuum rahaa thaa

— Adil Mansuri

ab TuTne hi vaalaa hai tanhaai kaa hisaar
ik shakhs chikhtaa hai samundar ke aar-paar

— Adil Mansuri

vo kaun thaa jo din ke ujaale mein kho gayaa
ye chaand kis ko DhunDne niklaa hai shaam se

— Adil Mansuri

na tum hosh mein ho na ham hosh mein hain
chalo mai-kade mein vahin baat hogi

— Bashir Badr

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana

koi saaghar pe saaghar pi rahaa hai koi tishna hai
murattab is tarah aain-e-mai-khaana nahin hotaa

— Haneef Akhgar

na gul khile hain na un se mile na mai pi hai
ajiib rang mein ab ke bahaar guzri hai

— Faiz Ahmad Faiz

ham pe guzraa hai vo bhi vaqt 'khumaar'
jab shanaasaa bhi ajnabi se mile

— Khumar Barabankavi