soe to dil mein ek jahaan jaagne lagaa — Adil Mansuri

phir baalon mein raat hui
phir haathon mein chaand khilaa

mere TuuTe hausle ke par nikalte dekh kar
us ne divaaron ko apni aur unchaa kar diyaa

kis tarah jamaa kijiye ab apne aap ko
kaaghaz bikhar rahe hain puraani kitaab ke

vo kaun thaa jo din ke ujaale mein kho gayaa
ye chaand kis ko DhunDne niklaa hai shaam se

koi khud-kushi ki taraf chal diyaa
udaasi ki mehnat Thikaane lagi

allaah jaane kis pe akaDtaa thaa raat din
kuchh bhi nahin thaa phir bhi baDaa bad-zabaan thaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ye vasl ki rut hai ki judaai kaa hai mausam
ye gulshan-e-dil hai ki bayaabaan kahin kaa

dil ki taklif kam nahin karte
ab koi shikva ham nahin karte

ashk Dhalte nahin dekhe jaate
dil pighalte nahin dekhe jaate

vo bhi milne nai poshaak badal kar aayaa
main jo kal pairahan-e-khaak badal kar aayaa