fikr-e-rasaa pe jis ki khulein aasmaan ke raaz — Adil Zaidi

vaar pusht par karke kyaa milaa tumhein aakhir
ek pal mein kho baiThe e'tibaar jitnaa thaa

— Adil Zaidi

aankh lagne na paai sahar ho gai
zindagi be-iraada basar ho gai

— Adil Zaidi

apne rasm-o-rivaaj kho baiThe
baaqi ab khaandaan mein kyaa hai

— Adil Zaidi

ye sahn-e-arz-e-haram hai ba-ehtiyaat qadam
bahut qarib khudaa hai zaraa sanbhal ke chalo

— Adil Zaidi

ghaTaaein khul ke barsin thiin chaDhe the dil ke dariyaa bhi
chaDhe dariyaaon kaa ik din utarnaa bhi zaruri thaa

— Adil Zaidi

jab bhi aankh lage main dekhun ek suhaani surat
devi thi vo ruup ki raani yaa patthar ki murat

— Adil Zaidi

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

be-ilm shaairon kaa gila kyaa hai ai 'munir'
hai ahl-e-ilm ko tiraa tarz-e-bayaan pasand

— Muneer Shikohabadi

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

— Allama Iqbal

us ke rukhsaar pe hai aur tire honT pe til
tilmilaane ki ijaazat nahin di jaaegi

— Inayat Ali Khan

bagulaa jin ke sar par chatr-e-shaahi hai zamin masnad
vahi aqlim-e-gham mein aah ki naubat bajaate hain

— Siraj Aurangabadi