payambaron ki zabaani kahi suni ham ne — Afeef Siraj

kaisi hain aazmaaishein kaisaa ye imtihaan hai
mere junun ke vaaste hijr ki ek raat bas

is qadar Duube gunaah-e-ishq mein tere habib
sochte hain jaaeinge kis munh se tauba ki taraf

shukriyaa tum ne bujhaayaa miri hasti kaa charaagh
tum sazaa-vaar nahin tum ne to achchhaai ki

jab baat vafaa ki aati hai jab manzar rang badaltaa hai
aur baat bigaDne lagti hai vo phir ik vaada karte hain

basti tamaam khvaab ki viraan ho gai
yuun khatm shab hui sahar aasaan ho gai

rah gayaa dard dil ke pahlu mein
ye jo ulfat thi dard-e-sar na hui