dekh kar us ko lagaa jaise kahin ho dekhaa — Aftab Shamsi

tufaan ki zad mein the khayaalon ke safine
main ulTaa samundar ki taraf bhaag rahaa thaa

— Aftab Shamsi

jo saath laae the ghar se vo kho gayaa hai kahin
iraada varna hamaaraa bhi vaapsi kaa thaa

— Aftab Shamsi

sabhi hain apne magar ajnabi se lagte hain
ye zindagi hai ki hotel mein shab guzaari hai

— Aftab Shamsi

main jangalon mein darindon ke saath rahtaa rahaa
ye khauf hai ki ab insaan na aa ke khaa le koi

— Aftab Shamsi

jo dil mein hai vahi baahar dikhaai detaa hai
ab aar-paar ye patthar dikhaai detaa hai

— Aftab Shamsi

naam apnaa hi main sab se khaDaa puchh rahaa thaa
kuchh meri samajh mein nahin aayaa ki ye kyaa thaa

— Aftab Shamsi

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

— Allama Iqbal

har subh nikalte hain yahi soch ke ghar se
bikhri hui duniyaa ko sameTeinge kisi din

— Sayyed Riyaz Raheem

tere bin hayaat ki soch bhi gunaah thi
ham qarib-e-jaan tiraa hisaar dekhte rahe

— Quaiser Khalid

qulzum-e-fikr mein hai kashti-e-imaan saalim
naa-khudaa husn hai aur ishq hai langar apnaa

— Sahir Dehlavi