main to miTTi ho rahaa thaa ishq mein lekin 'ataa' — Ahmad Ata

ab yahaan kaun nikaalegaa bhalaa duudh ki nahr
ishq kartaa hai tu jaisaa bhi hai achchhaa hai miyaan

— Ahmad Ata

naa-rasaai ne ajab taur sikhaae hain 'ataa'
yaani bhule bhi nahin tum ko pukaaraa bhi nahin

— Ahmad Ata

saDak pe baiTh gae dekhte hue duniyaa
aur aise tark hui ek khud-kushi ham se

— Ahmad Ata

vaisaa hi kharaab shakhs huun main
jaisaa koi chhoD kar gayaa thaa

— Ahmad Ata

main teri ruuh mein utraa huaa milungaa tujhe
aur is tarah ki tujhe kuchh khabar nahin honi

— Ahmad Ata

aaj dekhaa hai use aisi mohabbat se 'ataa'
vo yahi bhuul gayaa us ko kahin jaanaa thaa

— Ahmad Ata

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey