kabhi 'faraaz' se aa kar milo jo vaqt mile — Ahmad Faraz

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

yaad aai hai to phir TuuT ke yaad aai hai
koi guzri hui manzil koi bhuli hui dost

main ne dekhaa hai bahaaron mein chaman ko jalte
hai koi khvaab ki taabir bataane vaalaa

jo ghair the vo isi baat par hamaare hue
ki ham se dost bahut be-khabar hamaare hue

kisi ko ghar se nikalte hi mil gai manzil
koi hamaari tarah umr bhar safar mein rahaa

is zindagi mein itni faraaghat kise nasib
itnaa na yaad aa ki tujhe bhuul jaaein ham