agarche vo be-parda aae hue hain — Ahmad Husain Mail

mohabbat ne 'maail' kiyaa har kisi ko
kisi par kisi ko kisi par kisi ko

musalmaan kaafiron mein huun musalmaanon mein kaafir huun
ki quraan sar pe but aankhon mein hai zunnaar pahlu mein

jitne achchhe hain main huun un mein buraa
hain bure jitne un mein achchhaa huun

duur se yuun diyaa mujhe bosa
honT ki honT ko khabar na hui

ghair kaa haal to kahtaa huun nujumi ban kar
aap-biti nahin maalum vo naadaan huun main

naaz kar naaz tire naaz pe hai naaz mujhe
meri tanhaai hai partav tiri yaktaai kaa