sukh ki khaatir dukh mat bech — Ahmad Javaid

ek aansu se kami aa jaaegi
ghaaliban dariyaaon ke iqbaal mein

— Ahmad Javaid

ajab safar thaa ajab-tar musaafirat meri
zamin shuru hui aur main tamaam huaa

— Ahmad Javaid

dil se baahar aaj tak ham ne qadam rakkhaa nahin
dekhne mein zaahiraa lagte hain sailaani se ham

— Ahmad Javaid

duniyaa mire paDos mein aabaad hai magar
meri duaa-salaam nahin us zalil se

— Ahmad Javaid

dil-e-betaab ke hamraah safar mein rahnaa
ham ne dekhaa hi nahin chain se ghar mein rahnaa

— Ahmad Javaid

gahvaara-e-safar mein khuli hai hamaari aankh
taamir apne ghar ki hui sang-e-mil se

— Ahmad Javaid