موجود ہیں کتنے ہی تجھ سے بھی حسیں کر کے جھٹلا دیا آنکھوں کو میں دل پہ یقیں کر کے جس چشم سے رندوں میں ہو حق ہے اسی نے تو زاہد کو بھی رکھا ہے محراب نشیں کر کے کیا اس کی لطافت کا احوال بیاں کیجیے جو دل پہ ہوا ظاہر آنکھوں کو نہیں کر کے کچھ کم تھا بلائے جاں پہ چہرہ کہ اوپر سے آنکھیں بھی بنا لائے غارت گر دیں کر کے آئینے کے آگے سے اب اٹھ بھی چکو صاحب کیا کیجئے گا خود کو اتنا بھی حسیں کر کے سو داغ ہیں سینے میں وہ داغ جدائی بھی دیکھو تو ذرا ہوگا ان میں ہی کہیں کر کے اس دل کا تو نقشہ ہی دنیا نے بدل ڈالا کچھ یاد ہے رہتا تھا وہ بھی تو یہیں کر کے جاویدؔ وہاں تک تو مشکل ہے کوئی پہنچے منگوایئے قاصد بھی جبریل امیں کر کے

maujud hain kitne hi tujh se bhi hasin kar ke

40 views

غزل · Ghazal

دل آئینہ ہے مگر اک نگاہ کرنے کو یہ گھر بنایا ہے اس نے تباہ کرنے کو گل وصال ابھی دیکھا نہ تھا کہ آ پہنچی شب فراق بھی آنکھیں سیاہ کرنے کو گلیم و تخت اتارے ہیں غیب سے اس نے مجھے فقیر تجھے بادشاہ کرنے کو سجے ہیں دشت و بیاباں عجب قرینے سے تجھے سوار مجھے گرد راہ کرنے کو ملی مجھے تری ہمسائیگی سو دنیا میں تمیز مرتبۂ کوہ و کاہ کرنے کو دمیدہ ہر شجر گرد باد نخل جنوں ہمارے چاک گریباں سے راہ کرنے کو دل گداختہ و چشم تر ہی کافی ہے فتوح مملکت مہر و ماہ کرنے کو

dil aaina hai magar ik nigaah karne ko

40 views

غزل · Ghazal

کیا ہے دل نے بیگانہ جہان مرغ و ماہی سے ہمیں جاگیر آزادی ملی دربار شاہی سے کھلا ہے غنچۂ حیرت ہوائے گاہ گاہی سے ہوئے مجذوب رفتہ رفتہ اس کی کم نگاہی سے تری دنیا میں اے دل ہم بھی اک گوشے میں رہتے ہیں ہمیں بھی کچھ امیدیں ہیں تری عالم پناہی سے رعایا میں شہنشاہ جنوں کی ہم بھی داخل ہیں ہمیں بھی کچھ نہ کچھ نسبت تو ہے ظل الٰہی سے ہوئے ہیں بسکہ بیعت اس نظر کے خانوادے میں فقیری سے تعلق ہے نہ مطلب بادشاہی سے کیا ہے اس نظر نے سرفراز اہل محبت کو کسی کو تاج داری سے کسی کو بے کلاہی سے کہاں وہ خانماں بربادی عشق اور کہاں یہ ہم پھرا کرتے ہیں یوں ہی در بدر واہی تباہی سے

kiyaa hai dil ne begaana jahaan-e-murgh-o-maahi se

40 views

غزل · Ghazal

آمادہ رکھیں چشم و دل سامان حیرانی کریں کیا جانیے کس وقت وہ نظارہ فرمانی کریں بحر بلا ہے موج پر قہر قضا ہے اوج پر ہیں کاہ ساماں مستعد تا نا گریزانی کریں آئی ہے رات ایسی دنی ہے ہر چراغ افسردنی اے دل بیا اے دل بیا کچھ شعلہ سامانی کریں ہاں ہاں دکھائیں گے ضرور ہم وحشت دل کا وفور پہلے یہ شہر‌ دشت و در تکمیل ویرانی کریں اے عاشقاں اے عاشقاں آیا ہے امر ناگہاں جو لوگ ہیں نظارہ جو وہ مشق حیرانی کریں وہ شمع ہے در‌‌ طاق دل روشن ہیں سب آفاق دل افتادگان خاک اٹھو افلاک گردانی کریں ہے بسکہ تیغ اس کی رواں کم یاب ہیں ناکشتگاں سب سرفروشوں سے کہو چندے فراوانی کریں اک ناصحانہ عرض ہے دریاؤں پر یہ فرض ہے دل کی طرح ہر لہر میں تجدید طغیانی کریں ایسے گھروں میں اہل دل رہتے نہیں ہیں مستقل تبدیل یہ دیوار و در اسلوب ویرانی کریں

aamaada rakkhein chashm-o-dil saamaan-e-hairaani karein

40 views

غزل · Ghazal

اس کے لہجے کا وہ اتار چڑھاؤ رات کی نرم رو ندی کا بہاؤ اس کی آنکھوں کے وصف کیا لکھوں جیسے خوابوں کا بیکراں ٹھہراؤ ان نگاہوں کی گفتگو میں ہے نیند میں گم ہواؤں کا الجھاؤ اس بدن کی نزاکتیں مت پوچھ شیشۂ گل میں چاند کا لہراؤ نیند کی وادیوں میں پچھلے پہر ایک لے ایک نغمہ ایک الاؤ ایسی تنہائی کا مداوا کیا سات دریاؤں میں اکیلی ناؤ ان لبوں کی وہ بوسہ بوسہ اٹھان اور پلکوں کا نشہ نشہ جھکاؤ اس گلی اس دیار کی خوش بو اے سبک سیر نرم گام ہواؤ نوجوانی میں موت کی خواہش تم ہی سمجھا سکو تو کچھ سمجھاؤ جانے وہ غنچہ کس چمن کا ہے جس میں گم ہے بہار کا پھیلاؤ رات کہتی ہے مجھ کو پیار سے دیکھ مجھ میں ہے چشم یار کا گہراؤ شعلۂ جاں ہے بجھنے کو جاویدؔ اور دل میں دہک رہا ہے الاؤ

us ke lahje kaa vo utaar chaDhaao

40 views

غزل · Ghazal

کیا پوچھتے ہو شہر میں گھر اور ہمارا رہنے کا ہے انداز ادھر اور ہمارا وہ تیغ نہ جانے کدھر اٹھتی ہے ابھی تو جھگڑا ہے دل سینہ سپر اور ہمارا جب ہوش میں آئے تو اسے دیکھ بھی لیں گے فی الحال ہے انداز نظر اور ہمارا یہ مہر و نشاں طبل و علم خوب ہے لیکن بڑھ جائے گا کچھ بار سفر اور ہمارا دل ایسا مکاں چھوڑ کے یہ حال ہوا ہے یعنی نگہ خانہ بدر اور ہمارا

kyaa puchhte ho shahr mein ghar aur hamaaraa

40 views

See all 24 Ghazals →

Similar Poets