main kashti mein akelaa to nahin huun — Ahmad Nadeem Qasmi

aaghosh mein mahkoge dikhaai nahin doge
tum nikhat-e-gulzaar ho ham parda-e-shab hain

— Ahmad Nadeem Qasmi

gham-e-jaanaan gham-e-dauraan ki taraf yuun aayaa
jaanib shahar chale dukhtar-e-dahqaan jaise

— Ahmad Nadeem Qasmi

zindagi shama ki maanind jalaataa huun 'nadim'
bujh to jaaungaa magar subah to kar jaaungaa

— Ahmad Nadeem Qasmi

kis tavaqqoa pe kisi ko dekhein
koi tum se bhi hasin kyaa hogaa

— Ahmad Nadeem Qasmi

ik safina hai tiri yaad agar
ik samundar hai miri tanhaai

— Ahmad Nadeem Qasmi

aakhir duaa karein bhi to kis muddaaa ke saath
kaise zamin ki baat kahein aasmaan se ham

— Ahmad Nadeem Qasmi

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

dasht ki naa-tamaam raahon par
koi saathi hai to shajar tanhaa

— Vijay Sharma

khalq be-parvaa khudaa bandon se tang aayaa huaa
main akelaa phir rahaa huun hashr ke maidaan mein

— Shahzad Ahmad

kis ko fursat thi ki 'akhtar' dekhtaa meri taraf
main jahaan jis bazm mein jab tak rahaa tanhaa rahaa

— Akhtar Saeed Khan

tanhaa rahne mein bhi koi uzr nahin hai
lekin us ke saath hi tanhaa rah saktaa huun

— Zafar Iqbal

go mujhe ehsaas-e-tanhaai rahaa shiddat ke saath
kaaT di aadhi sadi ek ajnabi aurat ke saath

— Anwar Shuoor