bataa khud ko bhalaa kaise sanvaarun — Ahmad Tariq

aasmaan par garajnaa baadalon kaa
tere lahje kaa istiaara hai

— Ahmad Tariq

pyaar apni jagah par ek shikaayat hai mujhe
tum ne aane mein bahut der ki aane vaale

— Ahmad Tariq

teri aankhon teri zulfon kaa gila kaise utaarun
tere honTon par safar kartaa qalam thaktaa nahin hai

— Ahmad Tariq

hatheli pe likh le miraa naam tu
lakiron mein rachnaa miraa kaam hai

— Ahmad Tariq

meri aankhon kaa raat din ronaa
mere khvaabon ki aab-yaari hai

— Ahmad Tariq

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq