aandhiyon ki zad mein hai meraa vajud — Ahmad Ziya

ik main huun ki lahron ki tarah chain nahin hai
ik vo hai ki khaamosh samundar ki tarah hai

hai meraa chehra saikaDon chehron kaa aaina
bezaar ho gayaa huun tamaashaaiyon se main

basti basti parbat parbat vahshat ki hai dhuup 'ziyaa'
chaaron jaanib viraani hai dil kaa ik viraana kyaa

mujh ko mire vajud se koi nikaal de
tang aa chukaa huun roz ke in haadson se main

is qadar pur-khulus lahja hai
us se milnaa hai umr bhar jaise

nagar nagar mein nai bastiyaan basaai gaiin
hazaar chaahaa magar phir bhi apnaa ghar na banaa