didani hai ab shikast-e-zabt ki be-chaargi — Akbar Haideri Kashmiri

har nafas minnat-kash-e-aalaam hai
zindagi shaayad isi kaa naam hai

— Akbar Haideri Kashmiri

sabr karti hi rahi be-chaargi
zulm hotaa hi rahaa mazlum par

— Akbar Haideri Kashmiri

ai ajal kuchh zindagi kaa haq bhi hai
zindagi teri amaanat hi sahi

— Akbar Haideri Kashmiri

jabr sahtaa huun magar kab tak sahun insaan huun
sabr kartaa huun magar dil sabr ke qaabil nahin

— Akbar Haideri Kashmiri

zindagi hai chashm-e-ibrat mein abhi
kuchh nahin to aish-o-ishrat hi sahi

— Akbar Haideri Kashmiri

aah ab khuddaari-e-akbar kahaan
ho gai vo bhi ghulaam-e-aarzu

— Akbar Haideri Kashmiri

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif