har nafas minnat-kash-e-aalaam hai — Akbar Haideri Kashmiri

sabr karti hi rahi be-chaargi
zulm hotaa hi rahaa mazlum par

ai ajal kuchh zindagi kaa haq bhi hai
zindagi teri amaanat hi sahi

jabr sahtaa huun magar kab tak sahun insaan huun
sabr kartaa huun magar dil sabr ke qaabil nahin

didani hai ab shikast-e-zabt ki be-chaargi
muskuraataa huun magar dil dard se labrez hai

zindagi hai chashm-e-ibrat mein abhi
kuchh nahin to aish-o-ishrat hi sahi

aah ab khuddaari-e-akbar kahaan
ho gai vo bhi ghulaam-e-aarzu

kam-umri mein sunet hain
mar jaate hain achchhe log

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

umr-bhar maan ki nasihat pe zamaane mein 'asad'
faatima-zehraa ke bachchon se vafaadaari ki