naa-umidi harf-e-tohmat hi sahi kyaa kijiye — Akhtar Saeed Khan

band rakkhoge dariche dil ke yaaro kab talak
koi dastak de rahaa hai uTh ke dekho to sahi

— Akhtar Saeed Khan

kis ko fursat thi ki 'akhtar' dekhtaa meri taraf
main jahaan jis bazm mein jab tak rahaa tanhaa rahaa

— Akhtar Saeed Khan

charaagh le ke use DhunDne chalaa huun main
jo aaftaab ki maanind ik ujaalaa hai

— Akhtar Saeed Khan

kaun jiine ke liye martaa rahe
lo sambhaalo apni duniyaa ham chale

— Akhtar Saeed Khan

bahut qarib rahi hai ye zindagi ham se
bahut aziiz sahi e'tibaar kuchh bhi nahin

— Akhtar Saeed Khan

tu kahaani hi ke parde mein bhali lagti hai
zindagi teri haqiqat nahin dekhi jaati

— Akhtar Saeed Khan

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

aalam aalam ishq-o-junun hai duniyaa duniyaa tohmat hai
dariyaa dariyaa rotaa huun main sahraa sahraa vahshat hai

— Mir Taqi Mir

subut-e-ishq ki ye bhi to ek surat hai
ki jis se pyaar karein us pe tohmatein bhi dharein

— Qateel Shifai

divaar ke us paar jaane ki tamanna hai to phir
himmat juTaa kar tum kabhi divaar Dhaate kyon nahin

— Raghvendra Dwivedi

vo agar inkaar kar de baat us ki maan lo
“ishq karne ke liye itni to himmat chaahiye”

— Raghvendra Dwivedi

aate hain aane do ye tufaan kyaa le jaaeinge
main to jab Dartaa ki meraa hausla le jaaeinge

— Waseem Barelvi