maaal-e-zabt-e-paiham ho gai hai — Aleem Akhtar Muzaffarnagri

mujhe aankhein dikhaaegi bhalaa kyaa gardish-e-dauraan
miri nazron ne dekhaa hai tiraa naa-mehrbaan honaa

— Aleem Akhtar Muzaffarnagri

dard kaa phir maza hai jab 'akhtar'
dard khud chaarasaaz ho jaae

— Aleem Akhtar Muzaffarnagri

dard baDh kar davaa na ho jaae
zindagi be-mazaa na ho jaae

— Aleem Akhtar Muzaffarnagri

ye aur baat ki iqraar kar sakein na kabhi
miri vafaa kaa magar un ko e'tibaar to hai

— Aleem Akhtar Muzaffarnagri

hamein duniyaa mein apne gham se matlab
zamaane ki khushi se vaastaa kyaa

— Aleem Akhtar Muzaffarnagri

vo ta'alluq hai tire gham se ki allaah allaah
ham ko haasil ho khushi bhi to gavaaraa na karein

— Aleem Akhtar Muzaffarnagri

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif