usi peD ke niche dafn bhi honaa hogaa — Ali Akbar Abbas

zaraa haTe to vo mehvar se TuuT kar hi rahe
havaa ne nochaa unhein yuun ki bas bikhar hi rahe

main bhari saDkon pe bhi be-chaap chalne lag gayaa
ghar mein soe log mere zehn par yuun chhaa gae

main khoe jaataa huun tanhaaiyon ki vusat mein
dar-e-khayaal dar-e-laa-makaan hai yaa kuchh aur

main apne vaqt mein apni ridaa mein rahtaa huun
aur apne khvaab ki aab-o-havaa mein rahtaa huun

apnaa aap nahin hai sab kuchh apne aap se niklo
badbuein phailaa detaa hai paani kaa Thahraao

ai shaaer! teraa dard baDaa ai shaaer! teri soch baDi
ai shaaer! tere siine mein is jaisaa laakh bahe dariyaa