mujh pe aaseb si utarti hai — Ali Haider

office ki faailon mein tiri zulf kaa khayaal
dil apne kaam se hai dimaagh apne kaam se

main use dafnaa to aayaa huun magar royaa nahin
farz puuraa kar diyaa par zimmedaari rah gai

vo baDi taab baDe hauslon vaalaa laDkaa
jab tiri yaad se laDtaa hai to ro detaa hai

milti hai zindagi to yahi puchhti hai bas
vo khud-kushi kaa khvaab jo dekhaa thaa kyaa huaa

rone vaale kahaan ye samjheinge
ro na paane mein masala kyaa hai

dalil di gai kahin nizaam se kiyaa gayaa
hamaaraa faisla hamaare naam se kiyaa gayaa