office ki faailon mein tiri zulf kaa khayaal — Ali Haider

main use dafnaa to aayaa huun magar royaa nahin
farz puuraa kar diyaa par zimmedaari rah gai

vo baDi taab baDe hauslon vaalaa laDkaa
jab tiri yaad se laDtaa hai to ro detaa hai

milti hai zindagi to yahi puchhti hai bas
vo khud-kushi kaa khvaab jo dekhaa thaa kyaa huaa

rone vaale kahaan ye samjheinge
ro na paane mein masala kyaa hai

dalil di gai kahin nizaam se kiyaa gayaa
hamaaraa faisla hamaare naam se kiyaa gayaa

kamre mein kuchh bhi nahin bas intizaari rah gai
ek adhuraa 'ishq aur khushbu tumhaari rah gai

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

shaam bhi thi dhuaan dhuaan husn bhi thaa udaas udaas
dil ko kai kahaaniyaan yaad si aa ke rah gaiin

tujh ko paa kar bhi na kam ho saki be-taabi-e-dil
itnaa aasaan tire ishq kaa gham thaa hi nahin

dil kabhi khvaab ke pichhe kabhi duniyaa ki taraf
ek ne ajr diyaa ek ne ujrat nahin di