ai maahtaabo ujaalon ki bhiik le jaao — Amaan Haider

qasam uThaai hai siina hi noch Daaleinge
kabhi jo 'ishq ki mahsus ki chubhan ham ne

— Amaan Haider

ye ashk palkon pe Thahrein to aisaa lagtaa hai
kisi makaan ki dahliz par diye rakhe hain

— Amaan Haider

hamesha she'r kahne ki mashaqqat karni paDti hai
asiraan-e-sukhan kis ne kahaa aazaad hote hain

— Amaan Haider

haalaat chaahe jo bhi hon dil to baDaa rakho
ye vaqt kaT hi jaaegaa tum hausla rakho

— Amaan Haider

jaan se baDh ke huaa karti hai 'izzat pyaare
sar diyaa jaataa hai dastaar bachaane ke liye

— Amaan Haider

talab nahin hai hamein dusri mohabbat ki
'amaan' chaae dubaara zarur chaahte hain

— Amaan Haider

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi