ret hai suraj hai vusat hai tanhaai — Ambarin Salahuddin

ulajhti jaati hain girhein adhure lafzon ki
ham apni baaton ke saare agar magar kholein

— Ambarin Salahuddin

ik manzar mein ik dhundle se aks mein chhup ke ro lein
ham kis khvaab mein aankhein mundein kis mein aankhein kholein

— Ambarin Salahuddin

aap kahein to tiin zamaane ek hi lahr mein bah niklein
aap kahein to saari baaton mein aisi aasaani hai

— Ambarin Salahuddin

tum jo chaaho to ruk bhi saktaa hai
varna kis se rukaa hai aadhaa din

— Ambarin Salahuddin

meri hairat miri vahshat kaa pata puchhti hai
dekhiye kaun kise pahle rasaai degaa

— Ambarin Salahuddin

bahut se lafz dastak de rahe the
sukut-e-shab mein rasta khul rahaa thaa

— Ambarin Salahuddin

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif