hijr ke baa'd ye socho ki kahaan jaaoge — Amit Sharma Meet

ik taraf pyaar hai rishta hai vafaadaari hai
aur in sab mein hi us gham ki taraf-daari hai

— Amit Sharma Meet

ghalat-fahmiyaan 'mit' rakkho na dil mein
vahi sach nahin jitnaa tum ne sunaa hai

— Amit Sharma Meet

lagaayaa hai dil bhi to patthar se main ne
miri zindagi ki yahi ik khataa hai

— Amit Sharma Meet

khvaab mein us se roz milaa kartaa thaa 'mit'
lekin sach mein nahin milaa so zinda huun

— Amit Sharma Meet

hamaaraa hijr bhi ab masala ban
zamaane mein uchhaltaa jaa rahaa hai

— Amit Sharma Meet

kai din se sharaarat hi nahin ki
mire andar kaa bachcha laapata hai

— Amit Sharma Meet

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

— Allama Iqbal

bagulaa jin ke sar par chatr-e-shaahi hai zamin masnad
vahi aqlim-e-gham mein aah ki naubat bajaate hain

— Siraj Aurangabadi

gulaabon ke honTon pe lab rakh rahaa huun
use der tak sochnaa chaahtaa huun

— Zubair Rizvi

maango samundaron se na saahil ki bhiik tum
haan fikr o fan ke vaaste gahraai maang lo

— Hasan Najmi Sikandarpuri