kai din se sharaarat hi nahin ki — Amit Sharma Meet

ik taraf pyaar hai rishta hai vafaadaari hai
aur in sab mein hi us gham ki taraf-daari hai

ghalat-fahmiyaan 'mit' rakkho na dil mein
vahi sach nahin jitnaa tum ne sunaa hai

lagaayaa hai dil bhi to patthar se main ne
miri zindagi ki yahi ik khataa hai

khvaab mein us se roz milaa kartaa thaa 'mit'
lekin sach mein nahin milaa so zinda huun

hamaaraa hijr bhi ab masala ban
zamaane mein uchhaltaa jaa rahaa hai

hijr ke baa'd ye socho ki kahaan jaaoge
ham to mar jaaeinge vaise bhi hamaaraa kyaa hai

main baDaa ho gayaa huun magar bachpanaa
mere dil se kabhi bhi gayaa hi nahin

kal yahi bachche samundar ko muqaabil paaeinge
aaj tairaate hain jo kaaghaz ki nannhi kashtiyaan

umr hi teri guzar jaaegi un ke hal mein
teraa bachcha jo savaalaat liye baiThaa hai

miri mohabbat mein saari duniyaa ko ik khilaunaa banaa diyaa hai
ye zindagi ban gai hai maan aur mujh ko bachcha banaa diyaa hai

ashk se mere bache ham-saaya kyun-kar ghar samet
bah gai hain kashtiyaan is bahr mein langar samet

zabt TuuTaa to kuchh bhi bachegaa nahin
zabt meraa na yuun aazmaa zindagi