tu bataa kaise guzaari shab-e-hijraan tu ne — Anjum Farooq

'ishq vaqt-e-digar pe kyon chhoDein
ye tire baa'd ho nahin saktaa

— Anjum Farooq

ab tiraa rasta judaa meraa judaa
dekh qismat kaa likhaa hote hue

— Anjum Farooq

saahabo main ne taraashe nahin patthar ke sanam
mere haathon se banaa aur banaa ek hi shakhs

— Anjum Farooq

jahaan tak ho sake khud ko bachaa badnaam hone se
mohabbat khatm hoti hai mohabbat 'aam hone se

— Anjum Farooq

bahut achchhaa bahut achchhaa bahut achchhaa hai tu lekin
tujhe koi kahe achchhaa mujhe achchhaa nahin lagtaa

— Anjum Farooq

is liye kashkol mein paDti hai bhiik
ham ne hai laaThi se laTkaayaa huaa

— Anjum Farooq

jhaankte raat ke garebaan se
ham ne sau aaftaab dekhe hain

— Salman Akhtar

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shor din ko nahin sone detaa
shab ko sannaaTaa jagaa detaa hai

— Saifuddin Saif

huaa hai shah kaa musaahib phire hai itraataa
vagarna shahr mein 'ghaalib' ki aabru kyaa hai

— Mirza Ghalib

bahut hasin raat hai magar tum to so rahe ho
nikal ke kamre se ik nazar chaandni to dekho

— Shariq Kaifi

kahun ai zauq kyaa haal-e-shab-e-hijr
ki thi ik ik ghaDi sau sau mahine

— Anwar Masood